Luke Cage TV Series

ඔන්න එහෙනම් මාර්වෙල්ස්ලගෙ තවත් සුපිරි චරිතයක් අරගෙන අදත් අපි ආව අපේ යාලුවන්ව හම්බවෙන්න. 2016 වසරේ නිකුත් වුන මේ කතා මාලාවත් The Defenders කතා මාලාවේ එක් චරිතයක් මුල් කරගෙන නිර්මාණය වූවක්. ඒ කියන්නෙ ඔයාලට Luke Cage චරිතයත් The Defenders කතා මාලාව තුලින් දැක ගන්න පුලුවන්. IMDB දර්ශකයේ 7.6 ක අගයක් ලබාගෙන තියෙන මේ කතා මාලාව Action, Crime, Drama කියන වර්ගයන් යටතට ගැනිය හැකියි.

එහෙනම් අපි කතාව ගැන පොඩ්ඩක් දැනගමු. Luke Cage, ගොඩක් අය කොමික් වල හඳුනනවා Power Man යන නමින්. කොමික් ලෝකය තුල උපත ලබන්නේ 1972 ජූනි මාසයේදී. Jessica Jones තමයි කසාද බැඳලා ඉන්නේ. තාම කතාවට නම් එහෙම නෑ. මේ කියන්නේ කොමික් විස්තර ගැන. ඒ වගේම කතා පොත් වල ඇවෙන්ජර්ස් සමග එකට වැඩ කරන බවත් දකින්න ලැබෙනවා. ඒ කියන්නේ මේ කතා මාලාවන් වල චරිත අනිවාර්යෙන්ම ඉදිරි Avengers කතා වලින් දැකගන්න ලැබේවි. ඔහුට තමන් සතු බලයන් ලැබෙන්නෙ විද්‍යාගාර පරීක්ෂණයක ප්‍රතිපලයක් වශයෙනුයි. ඔහු තමන් සතු හැකියාවන් භාවිත කරමින් තමන්ගේ නගරය වඩා හොද තැනක් බවට පත් කිරීමට ගන්න උත්සාහය ඔබට මේ කතා මාලාවෙන් දැකගත හැකියි.