Lost TV Series
2004 වසරේ සිට 2010 වසර දක්වා විකාශනය වුනු මෙම කතා මාලාව Adventure, Drama, Fantasy යන වර්ගයන් යටතට ගැනිය හැකිය. IMDB දර්ශකයේ 8.4 ක ඉහල අගයක් හිමි කරගෙන තියෙන මෙම කතා මාලාව සීසන් 6 ක් දක්වා විකාශනය වුනු ඉතාමත් ජනප්‍රිය කතා මාලාවක් ලෙස වර්ග කල හැක.
මෙම කතා මාලාව ගෙතෙන්නෙ ගුවන් අනතුරකින් දිවි බේරාගත් කණ්ඩායමක් වටායි. මෙහි කතා නායකය වෙන්නෙ ජැක් ශෙපර්ඩ් නම් ශල්‍ය වෛද්‍යවරයෙක්. ඔහු තමයි කණ්ඩායමේ ගොඩක් තීරණ වලට මුල් වෙන්නෙ. ගුවන් අනතුර නිසා යානය කඩා වැටෙන්නෙ යම්කිසි දූපතකටයි. ඔවුන් මුලින් හිතන්නෙ මේ දූපත පාලු දූපතක් කියලයි. නමුත් කවුරුත් නොදන්න යම්කිසි අත්භූත දෙයක් මේ දූපතේ තියෙන බව පසුව ඔවුන් තේරුම් ගන්නව.
ඉතින් මේ අත්භූත දේ මොකද්ද? ඒ දේ ඔවුන්ගේ ජීවිත වලට කෙසේ බලපෑම් කරයිද? ඔවුන්ට මේ දූපතෙන් පිටවී යෑමට හැකි වෙයිද? මේ දේවල් වලට පිලිතුරු දැනගන්න ඔබත් මේ කතා මාලාව බලන්න.
