The Incredible Hulk TV Series
ඉතිං ඔන්න අදත් ඔයාල කැමතිම කතා මාලාවක් තමයි අරගෙන ආවෙ. අපේ යාළුවො දෙතුන් දෙනෙක්ම මේ කතා මාලාව ගැන අහල තිබුන. ඉතිං ඒ හින්ද තමයි අපි මේ කතා මාලාව ඔයාලට අරගෙන ආවෙ. මේ සීරීස් එක ටිකක් පරණ උනත් සුපිරි සීරීස් එකක් තමයි. ඔයාලට මතකත් ඇති මේ සීරීස් එක ඒ කාලෙ ලංකාවෙ රූපවාහිනී නාලිකාවක පවා විකාශනය වුනා.
1978 වර්ෂයේදී විකාශනය ආරම්භ කල මේ කතා මාලාවෙ සීසන් පහක් විකාශනය වීමෙන් අනතුරුව 1982 වර්ෂයේදී අවසන් වුනා. IMDB Rating වල 7.0 ක අගයක් හිමි කරගෙන තියෙන මේ කතා මාලාව Action, Adventure, Drama කියන වර්ගයන් යටතට ගන්න පුලුවන්.
ඔයාල ගොඩ දෙනෙක් මේ කතා මාලාව ගැන දන්න නිසා ලොකු විස්තරයක් නම් කරන්න ඕනෙ වෙන එකක් නෑ. කොහොම උනත් කතාව ගැන දන්නෙ නැති යාළුවො වෙනුවෙන් පුංචි විස්තරයක් කරන්නම්. Dr. David Bruce Banner තමයි මේ කතා මාලාවෙ කතා නායකය වෙන්නෙ. ඔහු ඉතාමත් දක්ශ විද්‍යාඥයෙක්. නමුත් දිනක් ඔහු සිදු කරන පරීක්ශනයක් වැරදීම නිසා ඔහු නොසිතූ ආකාරයේ අකරතැබ්බයකට මුහුන දෙන්න ඔහුට සිදු වෙනව. ඒ කියන්නෙ ඔහුට තරහ ගිය අවස්ථාවලදී ඉතාමත් දරුණු, පාලනයෙන් තොර අමනුෂ්‍යයෙක් ලෙස ඔහුව වෙනස් වෙනව. ඉතිං ඔයාලට මේ කතා මාලාවෙන් බලාගන්න පුලුවන් ඔහුට තරහ ගියාම කොයි වගේ පුද්ගලයෙක්ද කියල. ඔහු මුහුන දෙන කරදර, ඔහුව මරන්න හදන පුද්ගලයන් මේ සියල්ලෙන්ම බේරිල ඔහු තමන්ගේ විකෘතිතාවය යහපත් අතට හරවගන්න දරන උත්සාහය මේ කතාවෙන් ඔයාලට බලාගන්න පුලුවන්.
