The 100 TV Series
ඔයාල කොයි කවුරුත් දන්න The 100 සීරීස් එක තමයි අද අපි අරගෙන ආවෙ. මේ සීරීස් එක විකාශනය ආරම්භ කලේ 2014 වර්ශයේදීයි. IMDB රේටින් වල 7.8 ක අගයක් ලබාගෙන තියෙන මේ සීරීස් එක Drama, Mystery, Sci-Fi කියන වර්ගයන් යටතට ගන්න පුලුවන්. එහෙනම් දැන් ඉතින් කතාව ගැන පොඩි හැදින්වීමක් කරන්නම්කො.
කතාව පටන් ගන්නෙ අභ්‍යාවකාශ යානයක් ඇතුලෙ ඉදන් තමයි. ඇත්තටම කියනව නම් මේක අභ්‍යාවකාශයේ තියෙන ගම්මානයක්. මීට වසර 100 කට පමණ පෙර පෘතුවියේ සිදුවෙන න්‍යෂ්ටික යුද්ධයක් නිසා පෘථිවිය මිනිසුන්ට ජීවත් විය නොහැකි තත්වයට පත් වෙනව. ඉතින් කොහොමහරි මේ යුද්ධයෙන් බේරෙන කොටසක් තමයි මේ අභ්‍යාවකාශ ගම්මානයේ ජීවත් වෙන්නෙ. නමුත් මේ වෙනකොට ඔවුන්ට අභ්‍යාවකාශ ගම්මානයේත් ජීවත් විය නොහැකි තත්වයක් උදා වෙලා තියෙන්නෙ ආහාර සහ ඔක්සිජන් හිග වීම නිසා.
ඉතින් ඔවුන් තීරනය කරනව පෘතුවිය මිනිස් වාසයට සුදුසුද යන වග තහවුරු කරගන්න 100 දෙනෙකුගෙන් යුත් කණ්ඩායමක් පෘතුවියට පිටත් කර හරින්න. ඇත්තටම මේ කණ්ඩායම විවිධ වැරදි වලට අහු වෙලා සිරගත් වෙලා සිටින පිරිසක්. ඔවුන්ට දෙන දඩුවමක් විදිහට තමයි ඔවුන්ව පෘථිවියට පිටත් කර හරින්නෙ. ඉතින් ඇත්තටම මේ කාලෙ වෙනකොට පෘතුවිය විකිරන බලපෑම් වලින් මිදිල මිනිස් වාසයට සුදුසු පරිසරයක් වෙලා තියෙන්නෙ. නමුත්??? ඊට වඩා විශාල ප්‍රශ්ණ රාශියකට මේ 100 දෙනාට මුහුණ දෙන්න වෙනව. පෘතුවියේ ඉතිරි වී සිටි මිනිසුන් මේ වෙනකොට මෘර්ගයින් වගේ වෙලා. ඔවුන් මේ 100 දෙනාව දඩයම් කරන්න පටන් ගන්නව. ඉතින් ඔවුන් මේ කරදරයන්ගෙන් කොහොම බේරෙයිද? තව මොන මොන කරදර වලට ඔවුන්ට මුහුණ දීමට සිදු වෙයිද? මේ දේවල් දැනගන්න මේ ලස්සන කතා මාලාව ඔයාලත් බලන්න. ඉතින් ඔයාලටත් පුලුවන් මේ කතා මාලාව ගෙදරටම ගෙන්නගෙන බලන්න.
