Baby Daddy TV Series

ඔන්න අපේ යාලුවන්ට අද අපි අරගෙන ආවෙ සුපිරිම කොමඩි සීරීස් එකක්. 2012 වසරේ තමයි මේ කතා මාලාව විකාශනය ආරම්භ කලේ. IMDB Rating වල 7.1 ක අගයක් හිමි කරගෙන තියෙන මේ කතා මාලාව Comedy කියන වර්ගය යටතට තමයි ගන්න පුලුවන්. 

හැමදාම වගේ ඉතිං කතාව ගැනත් පුංචි විස්තරයක් කරන්න එපැයි. මේ කතා මාලාව ගෙතෙන්නෙ පුංචි ලමයෙක් සහ ඔහුගේ තරුණ පියා අතරයි. Ben කියන්නෙ ඉතාමත් සෙල්ලක්කාර ජීවිතයක් ගත කරන තරුණයෙක්. දිනක් ඔහු තමන්ගේ නිවසේ දොර අරිනකොට එක්වරම ඔහුව පුදුමයට පත් වෙන දෙයක් දකින්න ලැබෙනව. පුංචි ලමයෙක් ඔහුගේ දොර අසල තොටිල්ලක සිටිනව. Ben මේ ලමය ගැන සොයා බලනකොට දැනගන්නව ඔහුව දොර ලග දමා ගියේ තමන්ගේ කලින් පෙම්වතිය බව. ඒ කියන්නෙ මේ Ben ගෙ ලමය. ඔන්න ඉතිං එදා තමයි Ben අමාරුවේ වැටෙන දවස. දැන් ඉතිං ඔහුගේ ජීවිතය සම්පූර්ණයෙන්ම වෙනස් වෙනව මේ සිදු වීමත් සමග. ඔහුට මේ දරුවව බලාගන්න ඔහුගේ මව, සොහොයුරා සහ ඔහුගේ හොදම මිතුරන් දෙදෙනෙකුගේ උදවු ලැබෙනව. 

ඉතිං මේක තමයි Ben ගේ කතාවෙ පටන් ගැන්ම. දැන් ඉතිං Ben මේ පුංචි ලමයව බලාගන්නෙ කොහොමද කියල ඔයාලට බලන්න පුලුවන් මේ කතාව අරගෙන. පට්ටම කොමඩි වලින් පිරිච්ච මේ කතා මාලාව අරගෙන බලන්න කියල අපි ඔයාලට ආරාධනා කරනව. ඔයාල අනිවාර්යෙන්ම කැමති වෙයි.