Altered Carbon TV Series

2018 වසරේ තමයි මේ කතා මාලාව විකාශනය ආරම්භ කරල තියෙන්නෙ. IMDB ශ්‍රේණිගත කිරීම් වලින් 8.7 ක වාර්තාගත අගයක් හිමි කරගෙන තියෙන මේ කතා මාලාව  Drama, Sci-Fi, Thriller කියන කාණ්ඩයන් යටතේ වෙන් කර දැක්විය හැකියි. කතා මාලාව ගැන හොදින්ම දැනගන්න ඔන්න අපි TV Series Cast එකේ මේ වෙනුවෙන් පල වුනු ලිපියේ උපුටා ගැනීමක් පහලින් දාල තියෙනව.

කාටහරි පුලුවන්ද කෙනෙක්ගේ සිතුම් පැතුම් ඇත්තටම මනස සම්පූර්ණයෙන්ම භාගත කරගන්න? ඇත්තටම එහෙම කරන්න බැරි බව අපි කවුරුත් දන්නව. හැබැයි Altered Carbon එකේ තියන අනාගත ලෝකෙදි නම් ඔයාට ඕන කෙනාගේ මනස, එයාගේ සුෂුම්නාවේ තියෙන විශේෂිත කොටස Server එක විදිහට Use කරලා ඕන කෙනෙකුගේ ඇඟ Terminal එකක් විදිහට Use කරලා Download කරගන්න පුළුවන්. ඒ කියන්නේ හිතමුකෝ ඔයා මැරුණා කියලා මට පුලුවන් ඔයාගේ මනස, සිතුවිලි එහෙමත් නැත්තම් ආත්මය වෙන කෙනෙකුගේ සිරුරට ඇතුල් කරන්න. හැබැයි ඔය දෙන්නම මැරිලා ඉන්න ඕන.

සමහරවිට මේක විකාර තාක්ෂණයක් කියලා දැනෙනවා ඇති.ඒත් මේක ගොඩක් ප්‍රයෝජනවත් වෙනවා මිනීමැරුම් සිද්ධියකදී, වැදගත් පුද්ගලයෙක් මියගියාම වගේ අවස්ථාවල. ඒක තමයි කතාවේ Concept එක. එහෙනම් අපි බලමු කතාවෙ ඉතිරි ටික කොයි වගේද කියල. කතාව ගෙතෙන්නේ Takeshi Kovacs කියලා බන්ධනාගාරයකින්, පොලිස් නිලධාරියෙකුගේ සිරුරකට ඇතුළත් කරපු සෙබලෙකු වටා. මෙයා Laurens Bancroft කියන ප්‍රභූවරයා යටතේ තමයි පාලනය වෙන්නේ. ඔන්න ඉතිං හදිසියේම මේ Laurens Bancroft ඝාතනය වෙනවා. මන් කලින් කිව්වනේ ආත්ම හුවමාරු තාක්ෂණය ගැන. ඒකෙන් පුලුවන් කලින් වෙච්ච දේවල් ඔක්කොම අලුත් සිරුරේ මතකයටත් ලබාදෙන්න. හැබැයි Laurens Bancroft ට මේ විදිහට එයාගෙ සම්පූර්ණ මතකයම ලබාගන්න බැරි වෙනව. එයාගේ ඝාතනයට පැය කිහිපයකට පෙර තමයි එයාගේ Memory එකේ අන්තිම Backup එක වෙන්නෙ. ඉතිං එයාගේ ඝාතනය ලොකු අභිරහසක් වෙනවා. ඉතිං මේ ඝාතනයට හේතුව දැනගන්න Bancroft ට ඕන වෙනවා. Altered Carbon තුළින් බලාගන්න පුලුවන් වෙන්නෙ Laurens Bancroft හා Takeshi Kovacs මේ සිදුවීමේ සුලමුල හොයන ආකාරය. ඉතාමත් කුතුහලය දනවන මේ කතා මාලාවට නම් ඔයාල කැමති වෙන බව නොඅනුමානයි.