Taken TV Series
Taken චිත්‍රපටය මුල් කරගෙන නිර්මාණය වුනු මේ කතා මාලාව විකාශනය ආරම්භ කරල තියෙන්නෙ 2017 වර්ශයේදීයි. IMDB ශ්‍රේණිගත කිරීම් වලින් 6.6 ක අගයක් හිමි කරගෙන තියෙන මේ කතා මාලාව Action, Drama, Thriller කියන කාණ්ඩයන් යටතේ වෙන් කර දැක්විය හැකියි. කතා මාලාව ගැන බයිස්කෝප් අඩවියේ පල වුනු ලිපියේ උපුටා ගැනීමක් ඔයාලට පහලින් බලාගන්න පුලුවන්.
Liam Neeson එහෙම නැත්නම් කතා මාලාවට අනුව බ්‍රයන් මිල්ස් හිටපු හමුදා නිලධාරියෙක්. බ්‍රයන් රජයේ නියෝජිතයෙක් බේරගන්න මෙහෙයුමකට ගියපු වෙලාවක එයාගේ අතින් කාර්ලොස් මිහියා කියන කෙනාගේ පුතා මැරෙනවා. ඉතින් එයාගේ පුතාව මරපු පලිය ගන්න මේ මිහියා කියන කෙනා, බ්‍රයන් එයාගේ නංගි එක්ක කෝච්චියේ යන වෙලාවක සැලසුමක් ක්‍රියාත්මක කරලා බ්‍රයන්ගේ නංගිව මරලා දානවා. ඉතින් ඔන්න ඔහොම තමයි කතාවේ ආරම්භය. ඉතින් බ්‍රයන් නංගිගේ මරණයේ පලිය ගනීවිද? ඒක දැනගන්න ඔයාලටත් වෙනව කතා මාලාව බලන්න. ඔයත් Taken චිත්‍රපටය බලපු කෙනෙක් නම් මේ කතා මාලාවත් අනිවාර්යෙන්ම බලන්න ඕනෙ කියලයි අපි නම් කියන්නෙ.
