Black Sails TV Series
අදත් ඔන්න අපේ යාලුවන්ව හම්බවෙන්න ආව තවත් සුපිරි කතා මාලාවකුත් අරගෙන. 2014 වර්ශයේ විකාශනය ආරම්භ කල මේ කතා මාලාව IMDB දර්ශකයේ 8.2 ක් වැනි ඉහල අගයක් ලබා ගන්න සමත් වුනු කතා මාලාවක්. මේ කතා මාලාවට පාදක වෙලා තියෙන්නෙ Robert Louis කතුවරයාගෙ Treasure Island කියන නව කතාවයි. මේ කතාව ගෙතෙන්නෙ මුහුදු මංකොල්ලකරුවන් කණ්ඩායමක් වටායි. එහෙනම් දැන් අපි කතා මාලාව ගැන පොඩ්ඩක් දැනගමු.
අපේ කතා මාලාවෙ කතා නායකය වෙන්නෙ කැප්ටන් ෆ්ලින්ට්. ඔහු තමයි අපේ මුහුදු මංකොල්ලකරුවන් කණ්ඩායමේ නායකය වෙන්නෙ. ඔහු ඉතාමත් දක්ෂ මංකොල්ලකරුවෙක්. නමුත් මේ ගෙවෙන කාලය නම් ඔවුන්ට වාසිදායක කාලයක් නෙවෙයි. ඔවුන්ට කාලෙකින් හොද නැවක් හම්බෙලත් නෑ කොල්ලකන්න. ඉතින් නැවේ ඉන්න පිරිසත් මේ ගැන ලොකු සතුටකින් නෙමෙයි ඉන්නෙ. ඒ වගේම නැවේ ඉන්න තවත් පුද්ගලයෙක් උත්සාහ කරන්නෙ ෆ්ලින්ට්ගෙ තැන අයිති කරගන්නයි.
කොහොම නමුත් කතා මාලාව පටන් ගනිද්දිම ඔවුන් බ්‍රිතාන්‍ය නැවක් මංකොල්ල කනව. නමුත් ඒකෙනුත් වෙනදට වඩා ලොකු දෙයක් හොයාගන්න ඔවුන්ට බැරි වෙනව. නමුත් ෆ්ලින්ට් මේ අතරෙ වෙනත් යමක් ගැන සොයමින් ඉන්නෙ. ඒ ගැන නැවේ වැඩි දෙනෙක් දන්නෙ නෑ. ඉතින් මේ ෆ්ලින්ට් හොයන දේ මොකද්ද? ඔහුට එය සොයා ගැනීමට හැකි වෙයිද? ෆ්ලින්ට්ගේ කැප්ටන් කම ආරක්ෂාකර ගන්න ඔහුට පුලුවන් වෙයිද? මේ දේවල් වලට උත්තර දැනගන්න නම් ඔයාලටත් වෙනව මේ කතා මාලාව බලන්න. ඒ වගේම කියන්න ඕනෙ මේ කතා මාලාව පවුලේ සැමට බලන්න පුලුවන් එකක් නම් නෙවෙයි කියල.
