Agents of S.H.I.E.L.D TV Series

හැමදාම වගේ ඔන්න අදත් අපි ඔයාලට සුපිරි කතා මාලාවක් අරගෙන ආව. 2013 වසරෙ විකාශනය ආරම්භ කල මේ කතා මාලාව නිර්මාණය කරල තියෙන්නෙ ඔයාල කවුරුත් දන්න කියන පිරිසක් විසින්. Marvel කිවුවම ඔයාලට මතක් වෙන්නෙ කවුද කියන එක අමුතුවෙන් හිතන්න ඕන නෑ. ලොකු පොඩි කවුරුත් ආස කරන අයන් මෑන්, ස්පයිඩර් මෑන්, හල්ක්, කැප්ටන් ඇමෙරිකා, තෝර් වගේ සුපිරි වීරයන් ගනනාවක් සිනමා ලෝකයට ගෙන ආපු සමාගමක් තමයි Marvel කියන්නෙ. ඉතින් ඔන්න එයාල නිර්මාණය කරපු කතා මාලාවක් තමයි මේ ඔයාලට දෙන්නෙ.

ඔයාලට මතක ඇතිනෙ සුපිරි වීරයන් ඔක්කොම එකතු කරල හදපු ඇවෙන්ජර්ස් ෆිල්ම් එක. ඒ ෆිල්ම් එක සිනමා ලෝකයේ පෙරලියක් ඇති කලානෙ. මාර්වෙල්ස්ල අලුතින් අත ගහල තියෙන ටීවී සීරීස් ඔක්කොම වගේ  ගලාගෙන යන්නෙ මේ ඇවෙන්ජර්ස් ෆිල්ම් එකත් එක්ක සම්බන්ධ වෙලා තමයි. ඇවෙන්ජර්ස් ෆිල්ම් එක අවසාන වුනු තැන ඉදන් තමයි මේ සීරීස් එක පටන් ගන්නෙ.

කොහොම වුනත් මේ කතා මාලාවෙ ඉන්න ප්‍රධාන චරිත නම් ඇවෙන්ජර්ස් එකේදි අපිට හමු වුන සුපිරි වීරයන් නෙවෙයි. මේ කතා මාලාවෙදි ප්‍රධාන චරිත වලට පන පොවන්නෙ අලුත්ම පිරිසක්. ඒ වගේම ඒ ඒ අයට සුවිශේෂී වූ හැකියාවන් තියෙන පිරිසක් තමයි කතා මාලාවෙ ඉන්නෙ. අනිත් දේ වෙන්නෙ කතා මාලාව දිනෙන් දින වෙනස් කතා තමයි ඉදිරිපත් කරන්නෙ. ඒ නිසා අපිට විවිධාකාර අලුත් චරිත දිනෙන් දින හමු වෙනව.

ඉතිං ඔයාලත් සුපිරි වීරයන් ඉන්න කතා මාලාවන් බලන්න කැමති කෙනෙක් නම් මේ කතා මාලාවට අනිවාර්යෙන්ම කැමති වෙයි. එහෙනම් කතා මාලාව අරගෙනම බලන්නකො කොහොමද කියල.