American Horror Story TV Series

සුපුරුදු විදිහටම ඔන්න අපි අදත් ආව ලස්සන කතා මාලාවක් අරගෙන. ලස්සන කිවුවට මේක භය හිතෙන කතා මාලාවක්. 2011 වර්ශයේ විකාශනය ආරම්භ කල මේ කතා මාලාව මේ වෙනකොට සීසන් 6 ක් විකාශනය අවසන් කරල තියෙනව. IMDB රේටින්ග්ස් වල 8.2 ක වාර්තාගත අගයක් ලබා ගන්න මේ සුපිරි කතා මාලාව සමත් වෙලා තියෙනව. රේටින්ග්ස් දැක්කම ඔයාලට හිතාගන්න පුලුවන්නෙ කතා මාලාව කොච්චර හොදද කියල. Drama, Horror, Thriller කියන වර්ගයන් වලට තමයි මේ කතා මාලාව අයත් වෙන්නෙ. ඇත්තටම මේ කතා මාලාව ගොඩක් ජනප්‍රිය කතා මාලාවක් නිසා අපේ යාලුවො මේ කතා මාලාව ගැන දන්නවත් ඇති. කොහොම වුනත් මම කතා මාලාව ගැන පුංචි හැදින්වීමක් කරන්නම්කො.

කතා මාලාව පටන් ගන්නෙ 1978 වෙන සිදු වීමකින්. එකතරා විශාල පාලු මංදිරයකට කුඩා ලමුන් දෙදෙනෙක් ඇතුලු වෙනව. ඔවුන් මේ මංදිරයට ඇතුලු වෙන්න හදනකොට මංදිරයට එලියෙන් ඉන්න තවත් කුඩා ගැහැනු ලමයෙක් කියනව ඔයාල දැන් මෙතන මැරෙන්නයි යන්නෙ කියල. අනෙක් ලමුන් දෙදෙනා ඇයටත් බැන වැදිල මංදිරයට ඇතුලු වෙලා එහි තිබෙන බඩු මුට්ටු විනාශ කරමින් විනෝද වෙනව. වැඩි වෙලාවක් යන්න කලින් එලියේ හිටිය ලමයාගෙ කතාව ඇත්ත කරමින් මංදිරයේ තිබෙන අද්භූත බලවේගයක් විසින් මේ කුඩා ලමුන් දෙදෙනාව මරා දානව.

ඉන්පස්සෙ කතාව වර්තමාන කාලෙට එනව. ඒ මේ සිදු වීමෙන් වසර කිහිපයකට පසුව. එක්තරා පවුලක් මේ මංදිරයේ පදිංචියට එනව. අම්මා, තාත්ත සහ දුවෙක් තමයි මෙහි පදිංචියට එන්නෙ. ඉතින් මේ ගේ විකුණන කාන්තාව මෙහි සිදු වෙලා තියෙන මරණය ගැනත් ඔවුන්ට පවසනව. නමුත් ඔවුන් මේ මංදිරය මිලදී ගැනීමට කැමති වෙනව. ඉතින් ඔවුන්ට මේ මංදිරයේ ජීවත් වෙන්න පුලුවන් වෙයිද? මොන වගේ කරදර වලට ඔවුන්ට මුහුන දෙන්න සිදු වෙයිද? මංදිරයෙන් එලියෙ ඉදන් ලමයින්ට අනතුරු අගවපු ගැහැනු ලමයා කවුද? මේ දේවල් වලට උත්තර ගන්න නම් ඔයාලත් මේ සුපිරි කතාව බලන්නම වෙනව.