The Secret Circle TV Series

ඔන්න ඉතිං අදත් ආව තවත් ලස්සන කතා මාලාවකුත් අරගෙන ඔයාලව හම්බවෙන්න. මේ කතා මාලාවත් ගොඩක් දෙනෙක් කැමති කතා මාලාවක් තමයි. 2011 වසරේදී තමයි මේ කතා මාලාව විකාශනය ආරම්භ කලේ. IMDB Rating වල 7.4 ක අගයකට හිමිකම් කියන මේ කතා මාලාව Drama, Fantasy, Horror කියන වර්ගයන් යටතට වෙන් කල හැක. 

එහෙනම් ඉතිං දැන් අපි බලමු මේ කතා මාලාව ගලාගෙන යන්නෙ කොහොමද කියල. Cassie Blake කියන්නෙ වයස අවුරුදු 16 ක රූමත් තරුණියක්. ඇය තමයි මේ කතාවෙ කතා නායිකාව වෙන්නෙ. කතාව පටන් ගන්නකොටම Cassie ගෙ මව යම්කිසි පුද්ගලයෙකු විසින් අභිරහස් විදිහට මරා දමනව. ඉන් පසු Cassie ට සිදුවෙනව Washington වල ඉන්න ඇයගේ ආච්චිගේ ගෙදර නවතින්න යන්න. ඔන්න ඔය විදිහට තමයි අපේ කතාව පටන් ගන්නෙ. 

ඉන් පසු Cassie නගරයේ පාසලකට ඇතුල් වෙනව ඇගේ ඉගෙනීම් කටයුතු කරගෙන යන්න. ඔන්න මෙතන ඉදන් Cassie ගේ ජීවිතය වෙනස්ම පැත්තකට හැරෙනව. මෙහිදී Cassie ආදර සම්බන්ධතාවක් පටන් ගන්නව Adam කියන තරුණයත් සමග. Adam තරමක් ගුප්ත චරිතයක් තියෙන තරුණයෙක්. ඒ වගේම පාසලට ඇතුල් වෙලා ටික දවසක් යනකොට Cassie ට දැනගන්න ලැබෙනව ඇයත්, පාසලේ සිටින අනෙක් සිසුවනුත් යම්කිසි විෂේශ බලයන් තියෙන මායාකරුවන් බව. ඉතිං කතාව අතරතුරේ Cassie ට ඉතාමත් භයානක අත්දැකීම් වලට මුහුණ දෙන්නත් සිදු වෙනව. 

ඉතාමත් ලස්සන විදිහට ගලාගෙන යන මේ කතා මාලාවට ඔයාල කැමති වෙන බව නම් නොඅනුමානයි.