Roswell TV Series

අද නම් ඔයාලට අරගෙන ආවෙ ටිකක් පරණ කතා මාලාවක් තමයි. හැබැයි පරණ වුනත් ඔයාල හැමෝම දන්න ඒ වගේම කැමැත්තෙන් බලපු කතා මාලාවක් තමයි මේක. ඒ හින්දම තමයි ඔයාලට මේ කතා මාලාව දෙන්න තීරනය කලේ. පිටසක්වල සිදුවීම් තියෙන කතා මාලාවන් බලන්න කැමති අයට නම් මේ කතා මාලාව සුපිරි කතා මාලාවක් වෙයි. මේ කතා මාලාව විකාශනය ආරම්භ කලේ 1999 වසරේදීයි. කතා මාලාවෙ සීසන් තුනක් විකාශනය වුනා. IMDB Rating වල 7.5 ක අගයක් හිමි කරගෙන තියෙන මේ කතා මාලාව Drama, Mystery, Romance කියන වර්ගයන් යටතට ගන්න පුලුවන්. 

ඔයාල ගොඩ දෙනෙක් කතා මාලාව ගැන හොදටම දන්න නිසා මම කතාව ගැන ලොකු විස්තරයක් නම් කරන්නෙ නෑ. නොදන්න අයට දැනගන්න පුංචි විස්තරයක් කරන්නම්. මේ කතා මාලාවෙ ප්‍රධාන චරිතය වෙන්නෙ Max Evans. ඔහු පෘතුවියේ ජීවියෙක් නෙවෙයි. ඒ කියන්නෙ ඔහු පිටසක්වල ජීවියෙක්. නමුත් ඔහු පෙනුමින් මනුශ්‍යයෙක් වගේ. ඔහු සහ ඔහුගේ සගයන් කිහිපදෙනෙක් වැරදීමකින් පෘතුවියට පැමිනෙනව. Max ඔහුගේ ග්‍රහ ලෝකෙදි බොහෝ පිරිසකට නායකත්වය සපයන නායකයෙක්. නමුත් පෘතුවියේදී ඔහු සාමාන්‍ය ජීවිතයක් ගත කිරීමට උත්සාහ කරනව. ඒ වගේම ඔහු Liz Parker කියන තරුණිය සමග ආදරයෙන් බැදෙනව. නමුත් Max ට සාමාන්‍ය විදියට ජීවිතය ගත කරගෙන යන්න බැරි තත්වයක් උදා වෙනව. ඔහුව සහ ඔහුගේ අනෙක් සගයන් විනාශ කිරීමට තවත් පිටසක්වල කණ්ඩායමක් පැමිනෙනව. ඉතිං කතා මාලාව ගලාගෙන යන්නෙ ඔය විදිහට තමයි. 

මැක්ස්ට තමන්ගේ රහස දිගටම රහසක් ලෙසම තියාගන්න පුලුවන් වෙයිද, ඔහුව සොයා එන්නන්ගෙන් බේරී ජීවත් වීමට ඔහුට පුලුවන් වෙයිද මැක්ස් සහ ලිස් ගේ ආදර අන්දරයට මොනව වෙයිද? මේවට පිලිතුරු දැනගන්න නම් ඔයාලට කතා මාලාව බලන්නම වෙනව. අභිරහස්, අත්භූත දේවල් වලින් පිරුනු මේ කතා මාලාව බලන්න කියල අපි ඔයාලටත් ආරාධනා කරනව.