Sinbad TV Series
අදත් ආව ඔන්න ඔයාල හුග දෙනෙක් දන්න කියන පුද්ගලයෙක්ගෙ කතා මාලාවකුත් අරගෙන ඔයාලව හම්බවෙන්න. මේ කතා මාලාවත් අපේ යාලුවො අතර බොහොම ජනප්‍රිය වෙච්ච කතා මාලාවක් තමයි. සින්බෑඩ් කියන්නෙ ලොකු පොඩි කවුරුත් දන්න අදුනන වීර චරිතයක්නෙ. ඉතිං අද අපි ඔයාලට අරගෙන ආවෙ මේ වීරය වටා ගෙතුනු කතා මාලාවක් තමයි. සින්බෑඩ් පිලිබදව විවිද කතා මාලාවන් අපි පුංචි කාලෙ ඉදන්ම බලල තියෙනවනෙ. හැබැයි ඉතිං මේ කතා මාලාව නම් ඒ තරම් පරණ කතා මාලාවක් නෙමෙයි.
කතා මාලාව නිර්මාණය කරල තියෙන්නෙ මෑතකදී හින්ද කතාවෙ පසුබිම එහෙම සුපිරියටම තියෙනව. ඒ වගේම පරණ කතාවෙ තිබුනු කතාවල්ම නෙමෙයි මේ කතා මාලාවෙ තියෙන්නෙ. අළුත් අළුත් කතාවල් තමයි මේ කතාමාලාවෙ තියෙන්නෙ. එහෙම උනත් සින්බෑඩ්ගෙ ජීවිත කතාව නම් කිසිම වෙනසක් කරල නෑ. මම ඉතිං සින්බෑඩ් ගැන ඔයාලට අමුතුවෙන් කියන්න ඕනෙ නැහැනෙ. ඒ හින්ද මම මේ කතා මාලාව ගැන ඔයාලට වැඩිය විස්තර කරන්නෙ නෑ. මම දාල තියෙන ට්‍රේලර් වීඩියෝ එක බැලුවොත් ඔයාලට තේරෙයි මේ කතා මාලාව කොච්චර රසවත්ද කියල.
මේ කතා මාලාව විකාශනය ආරම්භ කලේ 2012 වසරේදීයි. IMDB Rating වල 6.5 ක අගයක් හිමි කරගෙන තියෙන මේ කතා මාලාව Action, Adventure, Fantasy කියන වර්ගයන් යටතට ගන්න පුලුවන්.
